wah fusun-e-ab-o-gil

vaah fusūn-e-āb-o-gil

dahr hai ik rañgīñ mahfil

razm-kunāñ rah-e-tūfāñ se

mil hī jā.egā sāhil

kis kī mahfil ko dekheñ

ham tum haiñ ḳhurāk-e-mahfil

josh-e-amal kī ḳhāmī kā

naam jahāñ meñ hai mushkil

surḳh na ho kyuuñ ashk-e-ġham

ḳhūn-e-jigar bhī hai shāmil

yuuñ na fasurda-ḳhātir rah

ġhuncha-o-gul kī sūrat khil

dekh tilism-e-fikr-e-'nihāl'

sehr-bayāñ shā.ir se mil

wah fusun-e-ab-o-gil

dahr hai ek rangin mahfil

razm-kunan rah-e-tufan se

mil hi jaega sahil

kis ki mahfil ko dekhen

hum tum hain KHurak-e-mahfil

josh-e-amal ki KHami ka

nam jahan mein hai mushkil

surKH na ho kyun ashk-e-gham

KHun-e-jigar bhi hai shamil

yun na fasurda-KHatir rah

ghuncha-o-gul ki surat khil

dekh tilism-e-fikr-e-'nihaal'

sehr-bayan shair se mil