waiz ke pas jaenge hum mai piye hue

vaa.iz ke paas jā.eñge ham mai piye hue

muddat huī hai tauba se tauba kiye hue

mashq-e-ḳhirām gor-e-ġharībāñ meñ kyā zarūr

mahshar bapā kareñge ye murde jiye hue

ḳhāmosh kyuuñ haiñ shahr-e-ḳhamoshāñ kī sākenīn

goyā dahan haiñ tār-e-nafas se siye hue

nā-āzmūda-kārī-e-husn un kī hai ġhazab

sharmā.e phirte haiñ vo mirā dil liye hue

ye dīdanī hai mai-kada meñ josh-e-be-ḳhudī

aa.e haiñ aaj hazrat-e-vā.iz piye hue

waiz ke pas jaenge hum mai piye hue

muddat hui hai tauba se tauba kiye hue

mashq-e-KHiram gor-e-ghariban mein kya zarur

mahshar bapa karenge ye murde jiye hue

KHamosh kyun hain shahr-e-KHamoshan ki sakenin

goya dahan hain tar-e-nafas se siye hue

na-azmuda-kari-e-husn un ki hai ghazab

sharmae phirte hain wo mera dil liye hue

ye didani hai mai-kada mein josh-e-be-KHudi

aae hain aaj hazrat-e-waiz piye hue