wasta har pal nai uljhan se hai

vāsta har pal na.ī uljhan se hai

phir bhī ham ko pyaar is jīvan se hai

kis ġhalat-fahmī meñ ho tum rādhike

mel manmohan kā har gvālan se hai

dil diyā maano ki sab kuchh de diyā

aur kyā ummīd is nirdhan se hai

yaar us ko bhūlnā mumkin nahīñ

us kā rishta dil kī har dhaḌkan se hai

muaaf karnā aap haiñ jis par fidā

saarī raunaq us pe rañg roġhan se hai

jo sahī us ne dikhāyā bas vahī

kyoñ shikāyat aap ko darpan se hai

ye kahāñ mumkin ki likhnā chhoḌ duuñ

shā.erī kā shauq to bachpan se hai

wasta har pal nai uljhan se hai

phir bhi hum ko pyar is jiwan se hai

kis ghalat-fahmi mein ho tum radhike

mel manmohan ka har gwalan se hai

dil diya mano ki sab kuchh de diya

aur kya ummid is nirdhan se hai

yar us ko bhulna mumkin nahin

us ka rishta dil ki har dhaDkan se hai

muaf karna aap hain jis par fida

sari raunaq us pe rang roghan se hai

jo sahi us ne dikhaya bas wahi

kyon shikayat aap ko darpan se hai

ye kahan mumkin ki likhna chhoD dun

shaeri ka shauq to bachpan se hai