wahan karta rahunga ab yahan karta rahunga

vahāñ kartā rahūñgā ab yahāñ kartā rahūñgā

rahūñgā maiñ jahāñ be-tābiyāñ kartā rahūñgā

kabhī maiñ āsmānoñ ko zamīñ par laad dūñgā

kabhī apnī zamīñ ko āsmāñ kartā rahūñgā

milī hai zindagī mujh ko to kuchh karnā hī hogā

yaqīñ kartā rahūñgā yā gumāñ kartā rahūñgā

milegā mulk-e-ḳhūbī yā matā-e-sargirānī

maiñ apne naam kā sikka ravāñ kartā rahūñgā

sunā.ūñgā kabhī qisse purāne ma.arakoñ ke

kabhī tasnīf tāzoñ dāstāñ kartā rahūñgā

karūñgā kuchh jatan un ko misālī bhī banā.ūñ

agar ābād taaza bastiyāñ kartā rahūñgā

maiñ ḳhud sāhil pe baiThūñgā kinār-e-āfiyat meñ

ijāre par safīnoñ ko ravāñ kartā rahūñgā

hameñ ab niiñd meñ bhī jāgte rahnā paḌegā

ki us ne kah diyā hai imtihāñ kartā rahūñgā

agar likhvāoge ḳhat us ko tum mere qalam se

ye ḳhidmat muft meñ ai mehrbāñ kartā rahūñgā

rahe vo gosh-bar-āvāz yā so jaa.e 'mid.hat'

ye merā qissa-e-ġham hai bayāñ kartā rahūñgā

wahan karta rahunga ab yahan karta rahunga

rahunga main jahan be-tabiyan karta rahunga

kabhi main aasmanon ko zamin par lad dunga

kabhi apni zamin ko aasman karta rahunga

mili hai zindagi mujh ko to kuchh karna hi hoga

yaqin karta rahunga ya guman karta rahunga

milega mulk-e-KHubi ya mata-e-sargirani

main apne nam ka sikka rawan karta rahunga

sunaunga kabhi qisse purane marakon ke

kabhi tasnif tazon dastan karta rahunga

karunga kuchh jatan un ko misali bhi banaun

agar aabaad taza bastiyan karta rahunga

main KHud sahil pe baiThunga kinar-e-afiyat mein

ijare par safinon ko rawan karta rahunga

hamein ab nind mein bhi jagte rahna paDega

ki us ne kah diya hai imtihan karta rahunga

agar likhwaoge KHat us ko tum mere qalam se

ye KHidmat muft mein ai mehrban karta rahunga

rahe wo gosh-bar-awaz ya so jae 'midhat'

ye mera qissa-e-gham hai bayan karta rahunga