wahan to rose sitara naya chamakta hai
vahāñ to roz sitārā nayā chamaktā hai
yahāñ bas ek hī jugnū hai jo sisaktā hai
use to vaqt ne ḳhāmoshiyāñ hī baḳhshī haiñ
jo apnī raah badaltā hai aur bhaTaktā hai
vo ek jhuuT thā jo raushnī meñ aa pahuñchā
ye ek sach hai añdheroñ meñ jo bhaTaktā hai
tū kis ḳhayāl meñ kis soch meñ hai fikr na kar
ki merā zaḳhm tirā zulm chhup to saktā hai
lagā liye haiñ jo maiñ ne bhī mausamī chehre
tū mere ghar meñ bhī sūraj sā ik chamaktā hai
'niyāzī' aaj us ātish-badan kī yaad aa.ī
ki jis ke naam se sho.ala sā ik lapaktā hai
wahan to roz sitara naya chamakta hai
yahan bas ek hi jugnu hai jo sisakta hai
use to waqt ne KHamoshiyan hi baKHshi hain
jo apni rah badalta hai aur bhaTakta hai
wo ek jhuT tha jo raushni mein aa pahuncha
ye ek sach hai andheron mein jo bhaTakta hai
tu kis KHayal mein kis soch mein hai fikr na kar
ki mera zaKHm tera zulm chhup to sakta hai
laga liye hain jo main ne bhi mausami chehre
tu mere ghar mein bhi suraj sa ek chamakta hai
'niyazi' aaj us aatish-badan ki yaad aai
ki jis ke nam se shoala sa ek lapakta hai
Source:
Rooh-e-Ghazal,Pachas Sala Intekhab (Pg. 465)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
