wahi arman jaise ji jo mushkil se nikalte hain
![Tilok Chand Mahroom Tilok Chand Mahroom](https://rekhta.pc.cdn.bitgravity.com/Images/Shayar/round/tilok-chand-mahroom.png)
wahi arman jaise ji jo mushkil se nikalte hain
Tilok Chand Mahroom
MORE BYTilok Chand Mahroom
vahī armān jaise jī jo mushkil se nikalte haiñ
ba-shakl-e-ashk-o-fariyād-o-fuġhāñ dil se nikalte haiñ
kisī meñ hausla hotā hai tūfānoñ se laḌne kā
safīne yuuñ to sab dāmān-e-sāhil se nikalte haiñ
hamāre ham-safar ham se mukaddar haiñ bas itne par
ki ham bach kar ġhubār-e-rāh-e-manzil se nikalte haiñ
ġhazab hai ai zamīñ to un hasīnoñ ko nigal jaa.e
jo husn-e-zau-fishāñ meñ māh-e-kāmil se nikalte haiñ
bharosā kuchh nahīñ 'mahrūm' anvār-masarrat kā
sharāre bhī kabhī tāroñ kī mahfil se nikalte haiñ
wahi arman jaise ji jo mushkil se nikalte hain
ba-shakl-e-ashk-o-fariyaad-o-fughan dil se nikalte hain
kisi mein hausla hota hai tufanon se laDne ka
safine yun to sab daman-e-sahil se nikalte hain
hamare ham-safar hum se mukaddar hain bas itne par
ki hum bach kar ghubar-e-rah-e-manzil se nikalte hain
ghazab hai ai zamin to un hasinon ko nigal jae
jo husn-e-zau-fishan mein mah-e-kaamil se nikalte hain
bharosa kuchh nahin 'mahrum' anwar-masarrat ka
sharare bhi kabhi taron ki mahfil se nikalte hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.