wahi dasht-e-bala hai aur main hun

Mazhar Imam

wahi dasht-e-bala hai aur main hun

Mazhar Imam

MORE BYMazhar Imam

    vahī dasht-e-balā hai aur maiñ huuñ

    zamāne havā hai aur maiñ huuñ

    tujhe ai ham-safar kaise sambhālūñ

    pahāḌī rāsta hai aur maiñ huuñ

    sukūt-e-koh hai aur sāya-e-dar

    sadā-e-mā-sivā hai aur maiñ huuñ

    magar shāḳhoñ se patte gir rahe haiñ

    vahī āb-o-havā hai aur maiñ huuñ

    ye saarī barf girne do mujhī par

    tapish sab se sivā hai aur maiñ huuñ

    ka.ī din se nasheman ḳhāk-e-dil

    sar-e-shāḳh-e-havā hai aur maiñ huuñ

    pahāḌoñ par kahīñ bārish huī hai

    zamīñ mahv-e-duā hai aur maiñ huuñ

    mujhe bhī kuchh na kuchh karnā paḌegā

    zamāna sar-phirā hai aur maiñ huuñ

    wahi dasht-e-bala hai aur main hun

    zamane ki hawa hai aur main hun

    tujhe ai ham-safar kaise sambhaalun

    pahaDi rasta hai aur main hun

    sukut-e-koh hai aur saya-e-dar

    sada-e-ma-siwa hai aur main hun

    magar shaKHon se patte gir rahe hain

    wahi aab-o-hawa hai aur main hun

    ye sari barf girne do mujhi par

    tapish sab se siwa hai aur main hun

    kai din se nasheman KHak-e-dil ka

    sar-e-shaKH-e-hawa hai aur main hun

    pahaDon par kahin barish hui hai

    zamin mahw-e-dua hai aur main hun

    mujhe bhi kuchh na kuchh karna paDega

    zamana sar-phira hai aur main hun

    Source
    • Book : paalkii kahkashaa.n (Pg. 81)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY