wahi hai wahshat wahi hai nafrat aaKHir is ka kya hai sabab

Ali Sardar Jafri

wahi hai wahshat wahi hai nafrat aaKHir is ka kya hai sabab

Ali Sardar Jafri

MORE BYAli Sardar Jafri

    vahī hai vahshat vahī hai nafrat āḳhir is kyā hai sabab

    insāñ insāñ bahut raTā hai insāñ insāñ banegā kab

    ved upnishad purze purze giitā qur.āñ varaq varaq

    rām-o-kirishn-o-gautam-o-yazdāñ zaḳhm-rasīda sab ke sab

    ab tak aisā milā na koī dil pyaas bujhātā jo

    yuuñ mai-ḳhāna-chashm bahut haiñ bahut haiñ yuuñ to sāqī-lab

    jis teġh hai duniyā us jis lāThī us bhaiñs

    sab qātil haiñ sab maqtūl haiñ sab mazlūm haiñ zālim sab

    ḳhanjar ḳhanjar qātil abrū dilbar haath masīhā hoñT

    lahū lahū hai shām-e-tamannā aañsū aañsū sub.h-e-tarab

    dekheñ din phirte haiñ kab tak dekheñ phir kab milte haiñ

    dil se dil āñkhoñ se āñkheñ haath se haath aur lab se lab

    zaḳhmī sarhad zaḳhmī qaumeñ zaḳhmī insāñ zaḳhmī mulk

    harf-e-haq salīb uThā.e koī masīh to aa.e ab

    wahi hai wahshat wahi hai nafrat aaKHir is ka kya hai sabab

    insan insan bahut raTa hai insan insan banega kab

    wed upnishad purze purze gita quran waraq waraq

    ram-o-kirishn-o-gautam-o-yazdan zaKHm-rasida sab ke sab

    ab tak aisa mila na koi dil ki pyas bujhata jo

    yun mai-KHana-chashm bahut hain bahut hain yun to saqi-lab

    jis ki tegh hai duniya us ki jis ki laThi us ki bhains

    sab qatil hain sab maqtul hain sab mazlum hain zalim sab

    KHanjar KHanjar qatil abru dilbar hath masiha honT

    lahu lahu hai sham-e-tamanna aansu aansu subh-e-tarab

    dekhen din phirte hain kab tak dekhen phir kab milte hain

    dil se dil aankhon se aankhen hath se hath aur lab se lab

    zaKHmi sarhad zaKHmi qaumen zaKHmi insan zaKHmi mulk

    harf-e-haq ki salib uThae koi masih to aae ab

    Source :
    • Book : Kulliyat-e-Ali Sardar Jafri Vol.II (Pg. 344)
    • Author : Ali Ahmad Fatmi
    • Publication : Qaumi Council Baray-e-farog Urdu Zaban, New Delhi (2005)
    • Edition : 2005
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now