wahi husn-e-yar mein hai wahi lala-zar mein hai

Ali Sardar Jafri

wahi husn-e-yar mein hai wahi lala-zar mein hai

Ali Sardar Jafri

MORE BYAli Sardar Jafri

    vahī husn-e-yār meñ hai vahī lāla-zār meñ hai

    vo jo kaifiyat nashe mai-e-ḳhush-gavār meñ hai

    ye chaman aarzū hai koī luuT le chaman ko

    ye tamām rañg-o-nik.hat tire iḳhtiyār meñ hai

    tire haath bulandī meñ faroġh-e-kahkashāñ hai

    ye hujūm-e-māh-o-anjum tire intizār meñ hai

    bas usī ko toḌnā hai ye junūn-e-naf.a-ḳhorī

    yahī ek sard ḳhanjar dil-e-rozgār meñ hai

    abhī zindagī hasīñ hai abhī zikr-e-maut kaisā

    abhī phuul khil rahe haiñ abhī to kanār meñ hai

    abhī mai-kada javāñ hai abhī mauj meñ hai saaqī

    abhī jaam raqs meñ hai abhī mai bahār meñ hai

    yahī merā sher-o-naġhma yahī merī fikr-o-hikmat

    jo surū-o-dard-mandī dil-e-be-qarār meñ hai

    wahi husn-e-yar mein hai wahi lala-zar mein hai

    wo jo kaifiyat nashe ki mai-e-KHush-gawar mein hai

    ye chaman ki aarzu hai koi luT le chaman ko

    ye tamam rang-o-nikhat tere iKHtiyar mein hai

    tere hath ki bulandi mein farogh-e-kahkashan hai

    ye hujum-e-mah-o-anjum tere intizar mein hai

    bas usi ko toDna hai ye junun-e-nafa-KHori

    yahi ek sard KHanjar dil-e-rozgar mein hai

    abhi zindagi hasin hai abhi zikr-e-maut kaisa

    abhi phul khil rahe hain abhi to kanar mein hai

    abhi mai-kada jawan hai abhi mauj mein hai saqi

    abhi jam raqs mein hai abhi mai bahaar mein hai

    yahi mera sher-o-naghma yahi meri fikr-o-hikmat

    jo suru-o-dard-mandi dil-e-be-qarar mein hai

    Source :
    • Book : Kulliyat-e-Ali Sardar Jafri Vol.II (Pg. 444)
    • Author : Ali Ahmad Fatmi
    • Publication : Qaumi Council Baray-e-farog Urdu Zaban, New Delhi (2005)
    • Edition : 2005
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now