wahi jo rishta hai kashti ka sath-e-ab ke sath

vahī jo rishta hai kashtī kā sat.h-e-āb ke saath

vahī hai merā ta.alluq bhī apne ḳhvāb ke saath

yahīñ kahīñ to chamaktī thī ik tilismī jhiil

yahīñ kahīñ to maiñ Duubā thā apne ḳhvāb ke saath

chhalak rahī thī kisī intizār kī chhāgal

bhaTak rahī thī kahīñ pyaas iztirāb ke saath

ulajh rahī thī musalsal savāl kī luknat

mukālima na koī ho sakā javāb ke saath

har ek harf sitāra har ek lafz charāġh

maiñ nuur nuur huā raat kī kitāb ke saath

ye kis ke lams kī bārish meñ rang rang huuñ maiñ

ye kaun mujh se guzartā hai āb-o-tāb ke saath

sañbhal ke chalnā ye ta.abīr kī saḌak hai miyāñ

bañdhī huī ka.ī āñkheñ haiñ ek ḳhvāb ke saath

maiñ ret hone hī vaalā thā jab ‘azīz-nabīl'

umīd-e-āb dhaḌakne lagī sarāb ke saath

wahi jo rishta hai kashti ka sath-e-ab ke sath

wahi hai mera talluq bhi apne KHwab ke sath

yahin kahin to chamakti thi ek tilismi jhil

yahin kahin to main Duba tha apne KHwab ke sath

chhalak rahi thi kisi intizar ki chhagal

bhaTak rahi thi kahin pyas iztirab ke sath

ulajh rahi thi musalsal sawal ki luknat

mukalima na koi ho saka jawab ke sath

har ek harf sitara har ek lafz charagh

main nur nur hua raat ki kitab ke sath

ye kis ke lams ki barish mein rang rang hun main

ye kaun mujh se guzarta hai aab-o-tab ke sath

sanbhal ke chalna ye tabir ki saDak hai miyan

bandhi hui kai aankhen hain ek KHwab ke sath

main ret hone hi wala tha jab ‘aziz-nabil'

umid-e-ab dhaDakne lagi sarab ke sath