wahm se ya guman se uThti hai

vahm se yā gumāñ se uThtī hai

yā kahīñ darmiyāñ se uThtī hai

vo tamanna ki jis pe jiite haiñ

kyā batā.eñ kahāñ se uThtī hai

ġham-kada hai ye 'mīr' sāhab kā

ek tābānī yaañ se uThtī hai

kyā samāvāt meñ talātum hai

kyā fuġhāñ jism-o-jāñ se uThtī hai

mauj jab tah-nashīn hotī hai

lahr āb-e-ravāñ se uThtī hai

lā-makānī makāñ se behtar hai

ye zamīn-o-zamāñ se uThtī hai

dīda-bāzī bhī ishq-bāzī hai

dil kī ye baat jaañ se uThtī hai

jab uThā.e na uTh sake ye zamīñ

phir zamīñ āsmāñ se uThtī hai

ab to kunj-e-butāñ se ruḳhsat hai

āshiqī āstāñ se uThtī hai

wahm se ya guman se uThti hai

ya kahin darmiyan se uThti hai

wo tamanna ki jis pe jite hain

kya bataen kahan se uThti hai

gham-kada hai ye 'mir' sahab ka

ek tabani yan se uThti hai

kya samawat mein talatum hai

kya fughan jism-o-jaan se uThti hai

mauj jab tah-nashin hoti hai

lahr aab-e-rawan se uThti hai

la-makani makan se behtar hai

ye zamin-o-zaman se uThti hai

dida-bazi bhi ishq-bazi hai

dil ki ye baat jaan se uThti hai

jab uThae na uTh sake ye zamin

phir zamin aasman se uThti hai

ab to kunj-e-butan se ruKHsat hai

aashiqi aastan se uThti hai