wahshat-e-dasht se ghabrana nahin ham-safaran

vahshat-e-dasht se ghabrānā nahīñ ham-safarāñ

ab hameñ lauT ke bhī jaanā nahīñ ham-safarāñ

ajnabī shahr se kyā talḳh-navā.ī kā gila

ham ko jab apnoñ ne pahchānā nahīñ ham-safarāñ

ret par der talak rang dikhā.egā badan

is ko 'ujlat meñ hī dafnānā nahīñ ham-safarāñ

is añdhere meñ hī chamkegī koī sham'-e-hayāt

tum kisī daam meñ bas aanā nahīñ ham-safarāñ

wahshat-e-dasht se ghabrana nahin ham-safaran

ab hamein lauT ke bhi jaana nahin ham-safaran

ajnabi shahr se kya talKH-nawai ka gila

hum ko jab apnon ne pahchana nahin ham-safaran

ret par der talak rang dikhaega badan

is ko 'ujlat mein hi dafnana nahin ham-safaran

is andhere mein hi chamkegi koi sham'-e-hayat

tum kisi dam mein bas aana nahin ham-safaran