wahshat-e-hijr ka anjam use likh dena

vahshat-e-hijr kā anjām use likh denā

ai masīhā mirā paiġhām use likh denā

merī nazroñ meñ ye duniyā hī ḳhatāvār nahīñ

vo bhī hai morid-e-ilzām use likh denā

tere hamrāh kabhī maiñ ne guzārī thī jo

apnī qismat kī hasīñ shaam use likh denā

vo agar tum se kabhī pūchh le ahvāl mire

merī ye hasrat-e-nākām use likh denā

ho ga.ī haiñ mirī matrūk uḌāneñ saarī

maiñ taḌaptī huuñ tah-e-dām use likh denā

us ko jaanā hai jahāñ jaa.e rahūñgī us kī

umr bhar bandī-e-be-dām use likh denā

yuuñ vafāoñ kā sila mujh ko milā hai 'resham'

ho ga.ī shahr meñ gumnām use likh denā

wahshat-e-hijr ka anjam use likh dena

ai masiha mera paigham use likh dena

meri nazron mein ye duniya hi KHatawar nahin

wo bhi hai morid-e-ilzam use likh dena

tere hamrah kabhi main ne guzari thi jo

apni qismat ki hasin sham use likh dena

wo agar tum se kabhi puchh le ahwal mere

meri ye hasrat-e-nakaam use likh dena

ho gai hain meri matruk uDanen sari

main taDapti hun tah-e-dam use likh dena

us ko jaana hai jahan jae rahungi us ki

umr bhar bandi-e-be-dam use likh dena

yun wafaon ka sila mujh ko mila hai 'resham'

ho gai shahr mein gumnam use likh dena