wahshat ke talawwun mein guzri ki guzar aae

vahshat ke talavvun meñ guzrī ki guzār aa.e

ik ahd bujhā aa.e ik 'umr ko haar aa.e

tum log bhī kyā samjho tum log bhī kyā jaano

kis ḳhvāb-asāse ko miTTī meñ utaar aa.e

vo rañg jo bheje the us chashm-e-fusūñ-gar ko

vo rañg vahīñ apnī tābānī ko vaar aa.e

ab ābla-pā.ī hai lamhoñ kī girānī hai

ḳhush-bāsh ga.e the jo vo sīna-figār aa.e

ġham se thiiñ bujhī āñkheñ chehre pe taġhayyur thā

ik shaḳhs ko kyā dekhā be-ant nikhār aa.e

āvāz kā kyā hogā ye 'ilm thā pahle se

bas zid meñ ḳhamoshī kī ham un ko pukār aa.e

wahshat ke talawwun mein guzri ki guzar aae

ek ahd bujha aae ek 'umr ko haar aae

tum log bhi kya samjho tum log bhi kya jaano

kis KHwab-asase ko miTTi mein utar aae

wo rang jo bheje the us chashm-e-fusun-gar ko

wo rang wahin apni tabani ko war aae

ab aabla-pai hai lamhon ki girani hai

KHush-bash gae the jo wo sina-figar aae

gham se thin bujhi aankhen chehre pe taghayyur tha

ek shaKHs ko kya dekha be-ant nikhaar aae

aawaz ka kya hoga ye 'ilm tha pahle se

bas zid mein KHamoshi ki hum un ko pukar aae