wahshat ko meri dekh ki majnun ne kaha bas

vahshat ko mirī dekh ki majnūñ ne kahā bas

majnūñ niiñ to kyā dāman-e-hāmūñ ne kahā bas

har dard niiñ jiyūñ qutb mujhe dekh ke sābit

qurbān mire gird ho gardūñ ne kahā bas

gul-rū kī judā.ī meñ mire dāġh-e-jigar dekh

gulshan meñ har ek lāla-e-pur-ḳhūñ ne kahā bas

hai dām-e-parī bas-ki mirī aah kā jaadū

be-bāk ho us chashm-e-pur-afsūñ ne kahā bas

ahvāl-e-'sirāj' ātish-e-hijrāñ meñ tirī dekh

dil soz ho parvān-e-mahzūñ ne kahā bas

wahshat ko meri dekh ki majnun ne kaha bas

majnun nin to kya daman-e-hamun ne kaha bas

har dard nin jiyun qutb mujhe dekh ke sabit

qurban mere gird ho gardun ne kaha bas

gul-ru ki judai mein mere dagh-e-jigar dekh

gulshan mein har ek lala-e-pur-KHun ne kaha bas

hai dam-e-pari bas-ki meri aah ka jadu

be-bak ho us chashm-e-pur-afsun ne kaha bas

ahwal-e-'siraj' aatish-e-hijran mein teri dekh

dil soz ho parwan-e-mahzun ne kaha bas