wahshat mein su-e-dasht jo ye aah le gai

vahshat meñ sū-e-dasht jo ye aah le ga.ī

kyā kyā kuñ.eñ jhukāne tirī chaah le ga.ī

aa.e kabhī na raah pe kyā jāniye hameñ

kīdhar ko ye tabī.at gumrāh le ga.ī

ka.abe meñ bhī ga.e to hameñ terī yaad aah

phir sū-e-dair ai but-e-dil-ḳhvāh le ga.ī

us ne kahāñ bulāyā thā ye is ke ghar hameñ

nāhaq zabān-e-ḳhalq kī afvāh le ga.ī

jārūb-kash ne us ke na rahne diyā mujhe

gardāñ nasīm shakl-e-par-e-kāh le ga.ī

juuñ tiir dil se aah jo nikle to kyā kahūñ

bas jaan ko bhī apne vo hamrāh le ga.ī

'āsif' chaman meñ aate hī us rashk-e-gul kī yaad

kyā jāniye kidhar mujhe nāgāh le ga.ī

wahshat mein su-e-dasht jo ye aah le gai

kya kya kunen jhukane teri chah le gai

aae kabhi na rah pe kya jaaniye hamein

kidhar ko ye tabiat gumrah le gai

kabe mein bhi gae to hamein teri yaad aah

phir su-e-dair ai but-e-dil-KHwah le gai

us ne kahan bulaya tha ye is ke ghar hamein

nahaq zaban-e-KHalq ki afwah le gai

jarub-kash ne us ke na rahne diya mujhe

gardan nasim shakl-e-par-e-kah le gai

jun tir dil se aah jo nikle to kya kahun

bas jaan ko bhi apne wo hamrah le gai

'asif' chaman mein aate hi us rashk-e-gul ki yaad

kya jaaniye kidhar mujhe nagah le gai