vaise dekheñ to ye tā-hadd-e-nazar rahte haiñ
dar-ba-dar phir bhī yahāñ log magar rahte haiñ
thā bharosā jahāñ vo bastiyāñ mismār huiiñ
ab vahāñ bad-gumāñ aur tanhā nagar rahte haiñ
khiḌkiyāñ ūñche gharoñ kī to khuleñ bhī shāyad
un ke darvāze sabhī band hī par rahte haiñ
dil ke dariyā meñ safīne ko utāreñ kaise
us meñ maujoñ se ziyāda to bhañvar rahte haiñ
haiñ paḌe hoñToñ pe aqfāl-e-ḳhamoshī jin ke
apne sīnoñ meñ chhupā.e vo ġhadar rahte haiñ
ho vo insān yā vahshī magar is jañgal meñ
sab pahan kar ye libāda-e-bashar rahte haiñ
ham hamesha rahe bāshinde hisāroñ ke hī
so na rahte haiñ idhar aur na udhar rahte haiñ
waise dekhen to ye ta-hadd-e-nazar rahte hain
dar-ba-dar phir bhi yahan log magar rahte hain
tha bharosa jahan wo bastiyan mismar huin
ab wahan bad-guman aur tanha nagar rahte hain
khiDkiyan unche gharon ki to khulen bhi shayad
un ke darwaze sabhi band hi par rahte hain
dil ke dariya mein safine ko utaren kaise
us mein maujon se ziyaada to bhanwar rahte hain
hain paDe honTon pe aqfal-e-KHamoshi jin ke
apne sinon mein chhupae wo ghadar rahte hain
ho wo insan ya wahshi magar is jangal mein
sab pahan kar ye libaada-e-bashar rahte hain
hum hamesha rahe bashinde hisaron ke hi
so na rahte hain idhar aur na udhar rahte hain
Source:
Word File Mail By Salim Saleem
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
