wajh jine ki tumhaara sath hai

vaj.h jiine kī tumhārā saath hai

zindagī goyā tumhāre haath hai

merī badnāmī mirī taqdīr thī

log kahte haiñ tumhārā haath hai

jānte haiñ ham ki tum aise nahīñ

toḌ na denā bharam jo saath hai

moh lene kā ye fan jo tujh meñ hai

merī ulfat kā bhī is meñ haath hai

kyā kareñ ham bas meñ apne kuchh nahīñ

phir bhī jiine kī tamannā saath hai

hasrateñ lākhoñ simaT kar aa ga.iiñ

ek muTThī dil jo apne saath hai

shaḳhsiyat apnī bikhar saktī nahīñ

dostī kā aur vafā kā saath hai

sūrat-e-‘uzmā’ jo badlī sī lagī

gardish-e-daur-e-zamāñ kā haath hai

wajh jine ki tumhaara sath hai

zindagi goya tumhaare hath hai

meri badnami meri taqdir thi

log kahte hain tumhaara hath hai

jaante hain hum ki tum aise nahin

toD na dena bharam jo sath hai

moh lene ka ye fan jo tujh mein hai

meri ulfat ka bhi is mein hath hai

kya karen hum bas mein apne kuchh nahin

phir bhi jine ki tamanna sath hai

hasraten lakhon simaT kar aa gain

ek muTThi dil jo apne sath hai

shaKHsiyat apni bikhar sakti nahin

dosti ka aur wafa ka sath hai

surat-e-‘uzma’ jo badli si lagi

gardish-e-daur-e-zaman ka hath hai