waqar-e-dard-o-gham-e-zindagi nahin malum

vaqār-e-dard-o-ġham-e-zindagī nahīñ mālūm

nahīñ hai aadmī kyoñ aadmī nahīñ mālūm

sulūk-e-dost kā shikva nahīñ magar kab tak

hameñ Dubo.egī ye sādgī nahīñ mālūm

tamām umr rahe hādisa-shikār magar

rahī kyoñ yaad tirī choT hī nahīñ mālūm

ġhazab ki pyaar kī rāhoñ meñ aaj chal nikle

vo jin ko nām-e-vafā bhī abhī nahīñ mālūm

chaman khilā to chuke ham jarāhat-e-dil kā

kalī khilegī kab ik aas kī nahīñ mālūm

sukūn-e-dil na qarār-e-hayāt hai ham ko

ho ḳhatm kab ye navāzish tirī nahīñ mālūm

hamāre pyaar ko 'shāġhil' na mil sakegā pyaar

hameñ kahegā bhī apnā koī nahīñ mālūm

waqar-e-dard-o-gham-e-zindagi nahin malum

nahin hai aadmi kyon aadmi nahin malum

suluk-e-dost ka shikwa nahin magar kab tak

hamein Duboegi ye sadgi nahin malum

tamam umr rahe hadisa-shikar magar

rahi kyon yaad teri choT hi nahin malum

ghazab ki pyar ki rahon mein aaj chal nikle

wo jin ko nam-e-wafa bhi abhi nahin malum

chaman khila to chuke hum jarahat-e-dil ka

kali khilegi kab ek aas ki nahin malum

sukun-e-dil na qarar-e-hayat hai hum ko

ho KHatm kab ye nawazish teri nahin malum

hamare pyar ko 'shaghil' na mil sakega pyar

hamein kahega bhi apna koi nahin malum