waqt ab sar pe wo aaya hai ki sar yaad nahin

vaqt ab sar pe vo aayā hai ki sar yaad nahīñ

tere dīvānoñ ko bhī ab tirā dar yaad nahīñ

haa.e vo shab jo tire va.ada-e-shab meñ guzrī

haa.e vo shab hai ki jis shab kī sahar yaad nahīñ

zindagī kaise kaTī dāvar-e-mahshar ye na pūchh

vo safar yaad to hai raḳht-e-safar yaad nahīñ

mere a.amāl pe jaa.e to ye samjhūñgā tujhe

yaad hai dāman-e-tar dīda-e-tar yaad nahīñ

pyaar se ab bhī vo takte haiñ mujhe par un ko

jis ne dil luuT liyā thā vo nazar yaad nahīñ

umr-bhar thaam ke us shoḳh kā dāman ro.e

'soz' kyā us pe huā us kā asar yaad nahīñ

waqt ab sar pe wo aaya hai ki sar yaad nahin

tere diwanon ko bhi ab tera dar yaad nahin

hae wo shab jo tere wada-e-shab mein guzri

hae wo shab hai ki jis shab ki sahar yaad nahin

zindagi kaise kaTi dawar-e-mahshar ye na puchh

wo safar yaad to hai raKHt-e-safar yaad nahin

mere aamal pe jae to ye samjhunga tujhe

yaad hai daman-e-tar dida-e-tar yaad nahin

pyar se ab bhi wo takte hain mujhe par un ko

jis ne dil luT liya tha wo nazar yaad nahin

umr-bhar tham ke us shoKH ka daman roe

'soz' kya us pe hua us ka asar yaad nahin