waqt ke dar par bhi hai bahut kuchh waqt ke dar se aage bhi

vaqt ke dar par bhī hai bahut kuchh vaqt ke dar se aage bhī

shām-o-sahar ke saath bhī chaliye shām-o-sahar se aage bhī

aql-o-ḳhirad ke hañgāmoñ meñ shauq kā dāman chhūT na jaa.e

shauq bashar ko le jaatā hai aql-e-bashar se aage bhī

dār-o-rasan kī resha-davānī gardan-o-sar tak rahtī hai

ahl-e-junūñ kā paañv rahā hai gardan-o-sar se aage bhī

mere ghar ko aag lagā kar ham-sāyoñ ko hañsne do

sho.ale baḌh kar jā pahuñcheñge mere ghar se aage bhī

ishq ne rāh-e-vafā samjhā.ī samjhāne ke ba.ad kahā

vaqt paḌā to jaanā hogā rāhguzar se aage bhī

shā.er fikr-o-nazar kā mālik dil kā sultāñ ghar kā faqīr

duniyā kā pāmāl qadam bhī duniyā bhar se aage bhī

āñkheñ jo kuchh dekh rahī haiñ us se dhokā khā.eñ kyā

dil to 'ājiz' dekh rahā hai hadd-e-nazar se aage bhī

waqt ke dar par bhi hai bahut kuchh waqt ke dar se aage bhi

sham-o-sahar ke sath bhi chaliye sham-o-sahar se aage bhi

aql-o-KHirad ke hangamon mein shauq ka daman chhuT na jae

shauq bashar ko le jata hai aql-e-bashar se aage bhi

dar-o-rasan ki resha-dawani gardan-o-sar tak rahti hai

ahl-e-junun ka panw raha hai gardan-o-sar se aage bhi

mere ghar ko aag laga kar ham-sayon ko hansne do

shoale baDh kar ja pahunchenge mere ghar se aage bhi

ishq ne rah-e-wafa samjhai samjhane ke baad kaha

waqt paDa to jaana hoga rahguzar se aage bhi

shaer fikr-o-nazar ka malik dil ka sultan ghar ka faqir

duniya ka pamal qadam bhi duniya bhar se aage bhi

aankhen jo kuchh dekh rahi hain us se dhoka khaen kya

dil to 'ajiz' dekh raha hai hadd-e-nazar se aage bhi