waqt ke hathon ne jab tak ki na KHamosh kiya

vaqt ke hāthoñ ne jab tak ki na ḳhāmosh kiyā

maiñ ne tujh ko na kisī lamha farāmosh kiyā

is kī chāhat ne sañvarne kā salīqa baḳhshā

shahr ke shahr ko us shaḳhs ne ḳhush-posh kiyā

hijr ke sadme bahut baḳhshe ye sach hai lekin

lazzat-e-vasl se bhī us ne ham-āġhosh kiyā

vaqt kī dhuul ne kajlā diye sūraj kitne

kaise kaisoñ ko zamāne ne farāmosh kiyā

terī qurbat ne sikhā.ī thī mujhe mai-noshī

aur furqat ne tirī mujh ko balā-nosh kiyā

kyā milā tark-e-ta.alluq se bhī mujh ko 'jāved'

yaad ne chhoḌā na ġham hī ne subuk-dosh kiyā

waqt ke hathon ne jab tak ki na KHamosh kiya

main ne tujh ko na kisi lamha faramosh kiya

is ki chahat ne sanwarne ka saliqa baKHsha

shahr ke shahr ko us shaKHs ne KHush-posh kiya

hijr ke sadme bahut baKHshe ye sach hai lekin

lazzat-e-wasl se bhi us ne ham-aghosh kiya

waqt ki dhul ne kajla diye suraj kitne

kaise kaison ko zamane ne faramosh kiya

teri qurbat ne sikhai thi mujhe mai-noshi

aur furqat ne teri mujh ko bala-nosh kiya

kya mila tark-e-talluq se bhi mujh ko 'jawed'

yaad ne chhoDa na gham hi ne subuk-dosh kiya