waraq wahi tha magar dusri parat chahi

varaq vahī thā magar dūsrī parat chāhī

ki maiñ ne us kī mohabbat se manfa.at chāhī

mazā ajab thā mohabbat bharī laḌā.ī meñ

ki chheḌ kar use faurī muzāhimat chāhī

bichhaḌte vaqt use muḌ ke bhī nahīñ dekhā

tamām umr judā.ī meñ āfiyat chāhī

maiñ aur hī thā judā hī thā is zamāne se

aur us ne qais ke jaisī mutābaqat chāhī

ḳhud apnī ziist ko barbād kar liyā āḳhir

ki jis ne mujh se zarā bhī munāfiqat chāhī

na jaane kyoñ mujhe Thukrā diyā zamāne ne

na sīm-o-zar kī talab kī na saltanat chāhī

bas ek baar mujhe khol kar paḌhā 'ābid'

phir us ne merī mohabbat se ma.azarat chāhī

waraq wahi tha magar dusri parat chahi

ki main ne us ki mohabbat se manfat chahi

maza ajab tha mohabbat bhari laDai mein

ki chheD kar use fauri muzahimat chahi

bichhaDte waqt use muD ke bhi nahin dekha

tamam umr judai mein aafiyat chahi

main aur hi tha juda hi tha is zamane se

aur us ne qais ke jaisi mutabaqat chahi

KHud apni zist ko barbaad kar liya aaKHir

ki jis ne mujh se zara bhi munafiqat chahi

na jaane kyon mujhe Thukra diya zamane ne

na sim-o-zar ki talab ki na saltanat chahi

bas ek bar mujhe khol kar paDha 'abid'

phir us ne meri mohabbat se mazarat chahi