waraq waraq sa bikharta kitab-e-gham jaisa

varaq varaq sā bikhartā kitāb-e-ġham jaisā

milegā shahr meñ shāyad hī koī ham jaisā

har ek yād-e-guzishta ko dāvateñ de kar

manā.e jashn-e-hasīñ koī jashn-e-ġham jaisā

kabhī vo anjuman-e-dil kabhī vo sirf sukūt

kabhī vo had se tajāvuz kabhī vo kam jaisā

gale lagā ke jise ḳhuub ro.e ḳhuub hañse

kabhī milā hī nahīñ koī ham se ham jaisā

maiñ ek pyaas kā sahrā aziim lā-mahdūd

vo ik tavīl samundar magar hai kam jaisā

vo duur duur kā manzar maiñ lamha lamha talāsh

vo fāsloñ kī tarah maiñ qadam qadam jaisā

huzūr-e-ishq kī is bārgāh meñ 'sājid'

hameñ ḳhitāb milā hai janāb-e-ġhum jaisā

waraq waraq sa bikharta kitab-e-gham jaisa

milega shahr mein shayad hi koi hum jaisa

har ek yaad-e-guzishta ko dawaten de kar

manae jashn-e-hasin koi jashn-e-gham jaisa

kabhi wo anjuman-e-dil kabhi wo sirf sukut

kabhi wo had se tajawuz kabhi wo kam jaisa

gale laga ke jise KHub roe KHub hanse

kabhi mila hi nahin koi hum se hum jaisa

main ek pyas ka sahra azim la-mahdud

wo ek tawil samundar magar hai kam jaisa

wo dur dur ka manzar main lamha lamha talash

wo faslon ki tarah main qadam qadam jaisa

huzur-e-ishq ki is bargah mein 'sajid'

hamein KHitab mila hai janab-e-ghum jaisa