wasf-e-shifa dawaon mein hukm-e-KHuda se hai

vasf-e-shifā davāoñ meñ hukm-e-ḳhudā se hai

ye sochnā ġhalat hai ki sab kuchh davā se hai

pyāla bharā jo ġham kā vo merī ḳhatā se hai

patjhaḌ se hai gila na shikāyat havā se hai

ye kis ne kah diyā hai ki dar dar kī ḳhaak chhān

jannat kā sīdhā rāsta maañ kī duā se hai

majbūr ho gayā hai za.īfī meñ jo shajar

is kā ye haal apne phaloñ kī ḳhatā se hai

luqma nahīñ hai peT meñ jis ke koī halāl

vo shaḳhs apnī zaat kā dushman sadā se hai

maiñ us ke paas paas saraktā vo duur duur

saaya bhī dekho phuul kā rūThā sadā se hai

wasf-e-shifa dawaon mein hukm-e-KHuda se hai

ye sochna ghalat hai ki sab kuchh dawa se hai

pyala bhara jo gham ka wo meri KHata se hai

patjhaD se hai gila na shikayat hawa se hai

ye kis ne kah diya hai ki dar dar ki KHak chhan

jannat ka sidha rasta man ki dua se hai

majbur ho gaya hai zaifi mein jo shajar

is ka ye haal apne phalon ki KHata se hai

luqma nahin hai peT mein jis ke koi halal

wo shaKHs apni zat ka dushman sada se hai

main us ke pas pas sarakta wo dur dur

saya bhi dekho phul ka ruTha sada se hai