wasl bhi hoga hasan tu Tuk to istiqlal kar

vasl bhī hogā 'hasan' tū Tuk to istiqlāl kar

haal apnā ham se kah kah ham ko mat behāl kar

sārbāñ garm-e-hudī hai aur jaras hai na.ara-zan

tū bhī Tuk mahmil ke aage gard-e-majnūñ haal kar

sham.a saañ jitnā sunāyā haal ro ro us ko maiñ

uTh gayā āḳhir vo sab bāteñ hañsī meñ Taal kar

mashq-e-jaur-o-zulm to kartā hī jaatā hai vo shoḳh

tū bhī dil sabr-o-tahammul kā ab istīmāl kar

aish-o-ishrat ko na de tū raah dil meñ ai 'hasan'

dard-o-ġham hī se kisī ke is ko mālā-māl kar

wasl bhi hoga 'hasan' tu Tuk to istiqlal kar

haal apna hum se kah kah hum ko mat behaal kar

sarban garm-e-hudi hai aur jaras hai nara-zan

tu bhi Tuk mahmil ke aage gard-e-majnun haal kar

shama san jitna sunaya haal ro ro us ko main

uTh gaya aaKHir wo sab baaten hansi mein Tal kar

mashq-e-jaur-o-zulm to karta hi jata hai wo shoKH

tu bhi dil sabr-o-tahammul ka ab istimal kar

aish-o-ishrat ko na de tu rah dil mein ai 'hasan'

dard-o-gham hi se kisi ke is ko mala-mal kar