wasl ka us se karo izhaar kya
vasl kā us se karo iz.hār kyā
jo kahe ik baat par sau baar kyā
qatl par ye dam-ba-dam inkār kyā
ho ga.ī hai kund kuchh talvār kyā
jin kī fitrat meñ talavvun hai buto
aisoñ kā inkār kyā iqrār kyā
bazm-e-dushman meñ hue tum jalva-rez
ham nahīñ the tālib-e-dīdār kyā
mere naale sun ke vo kahne lage
koī martā hai pas-e-dīvār kyā
merī shorīda-sarī ke sāmne
haiñ ye zindāñ ke dar-o-dīvār kyā
wasl ka us se karo izhaar kya
jo kahe ek baat par sau bar kya
qatl par ye dam-ba-dam inkar kya
ho gai hai kund kuchh talwar kya
jin ki fitrat mein talawwun hai buto
aison ka inkar kya iqrar kya
bazm-e-dushman mein hue tum jalwa-rez
hum nahin the talib-e-didar kya
mere nale sun ke wo kahne lage
koi marta hai pas-e-diwar kya
meri shorida-sari ke samne
hain ye zindan ke dar-o-diwar kya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
