wasl ki shab bhi ada-e-rasm-e-hirman mein raha

vasl kī shab bhī adā-e-rasm-e-hirmāñ meñ rahā

sub.h tak maiñ iltimās-e-shauq-e-pinhāñ meñ rahā

mar ga.e lākhoñ shahīd-e-nāz kuchh parvā nahīñ

vo tamāshā-e-hilāl-e-īd-e-qurbāñ meñ rahā

kaam apnā kar chukī bīmārī-e-ishq-e-butāñ

maiñ fareb-e-nusḳha-o-tāsīr-e-darmāñ meñ rahā

vaah re pās-e-vafā allāh rī sharm-e-ārzū

har nafas hamrāhī-e-umr-e-gurezāñ meñ rahā

kyā paḌhe ash.ār 'taslīm'-e-jigar-afgār ne

shor-e-tahsīñ har taraf bazm-e-suḳhan-dāñ meñ rahā

wasl ki shab bhi ada-e-rasm-e-hirman mein raha

subh tak main iltimas-e-shauq-e-pinhan mein raha

mar gae lakhon shahid-e-naz kuchh parwa nahin

wo tamasha-e-hilal-e-id-e-qurban mein raha

kaam apna kar chuki bimari-e-ishq-e-butan

main fareb-e-nusKHa-o-tasir-e-darman mein raha

wah re pas-e-wafa allah ri sharm-e-arzu

har nafas hamrahi-e-umr-e-gurezan mein raha

kya paDhe ashaar 'taslim'-e-jigar-afgar ne

shor-e-tahsin har taraf bazm-e-suKHan-dan mein raha