wasl mein bigDe bane yar ke aksar gesu

Munshi Amirullah Tasleem

wasl mein bigDe bane yar ke aksar gesu

Munshi Amirullah Tasleem

MORE BYMunshi Amirullah Tasleem

    vasl meñ bigḌe bane yaar ke aksar gesū

    uljhe suljhe mirī taqdīr se shab bhar gesū

    maiñ na mānūñgā ye zulmat use kis din ho nasīb

    ho ga.e hoñge sharīk shab-e-mahshar gesū

    kahne sunñe se agar vasl huā bhī to kyā

    zid se baiThe vo banāyā kiye shab bhar gesū

    chāhte haiñ ki pareshāñ pas-e-murdan bhī rahūñ

    khol dete haiñ mirī gor par aa kar gesū

    uḌ chalā aur bhī vo rashk-e-parī-zādāñ se

    ban ga.e husn ke parvāz ko shahpar gesū

    aarzū hai ki shab-e-qadr ho shām-e-ummīd

    kuchh dikhā.e na ḳhudā tere dikhā kar gesū

    ye bhī taqdīr ke haiñ pech vagarna 'taslīm'

    mujh āzād ho pāband-e-mo.ambar gesū

    wasl mein bigDe bane yar ke aksar gesu

    uljhe suljhe meri taqdir se shab bhar gesu

    main na manunga ye zulmat use kis din ho nasib

    ho gae honge sharik shab-e-mahshar gesu

    kahne sunne se agar wasl hua bhi to kya

    zid se baiThe wo banaya kiye shab bhar gesu

    chahte hain ki pareshan pas-e-murdan bhi rahun

    khol dete hain meri gor par aa kar gesu

    uD chala aur bhi wo rashk-e-pari-zadan se

    ban gae husn ke parwaz ko shahpar gesu

    aarzu hai ki shab-e-qadr ho ya sham-e-ummid

    kuchh dikhae na KHuda tere dikha kar gesu

    ye bhi taqdir ke hain pech wagarna 'taslim'

    mujh sa aazad ho paband-e-moambar gesu

    RECITATIONS

    Nomaan Shauque

    Nomaan Shauque,

    Nomaan Shauque

    wasl mein bigDe bane yar ke aksar gesu Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY