wasl mein raftar-e-mashuqana dikhlati hai nind

Khwaja Mohammad Wazir

wasl mein raftar-e-mashuqana dikhlati hai nind

Khwaja Mohammad Wazir

MORE BYKhwaja Mohammad Wazir

    vasl meñ raftār-e-ma.ashūqāna dikhlātī hai niiñd

    aaj kin aTkheliyoñ se āñkhoñ meñ aatī hai niiñd

    yād-e-chashm-e-surmagīñ meñ shab ko gar aatī hai niiñd

    sūrat-e-murġh-e-nigah āñkhoñ se uḌ jaatī hai niiñd

    furqat-e-dildār meñ sahvan agar aatī hai niiñd

    aañkh se bāhar bāhar aa ke phir jaatī hai niiñd

    ain be-hoshī hai hushyārī na samjhā chāhiye

    ahl-e-ġhaflat to bedārī bhī kahlātī hai niiñd

    karvaTeñ le le ke kahte haiñ shab-e-furqat meñ ham

    kis tarah ai ḳhuftagān-e-ḳhāk aa jaatī hai niiñd

    in furqat meñ na pūchho sarguzisht-e-ḳhvāb-e-chashm

    āj-kal pā-e-nigah Thokareñ khātī hai niiñd

    sabza-e-ḳhvābīda-e-gulshan jab aatā hai zikr

    tab qafas meñ koī dam bulbul ko aa jaatī hai niiñd

    furqat-e-dildār meñ sone ko marnā kahte haiñ

    āshiqoñ meñ ḳhvāb-e-marg aise kahlātī hai niiñd

    niiñd ko bhī niiñd aa jaatī hai hijr-e-yār meñ

    chhoḌ kar be-ḳhvāb mujh ko aap so jaatī hai niiñd

    kahte haiñ sonā use chauñkā na roz-e-hashr tak

    is hamārī baḳht-e-ḳhufta qasam khātī hai niiñd

    kyā ġhalat samjhe vo aa.egā phaḌaktī hai jo aañkh

    aañkh meñ ḳhauf-e-shab-e-furqat se tharrātī hai niiñd

    furqat-e-dildār meñ jo raat bhar aa.ī na thī

    vasl meñ aatī huī āñkhoñ sharmātī hai niiñd

    muntazir rakhtī hai ġhamze kartī hai aatī nahīñ

    o but-e-tarsā tirī furqat meñ tarsātī hai niiñd

    kū-e-jānāñ se jo uThtā huuñ to so jaate haiñ paañv

    daf.atan āñkhoñ se paañv meñ utar aatī hai niiñd

    garmī-e-soz-e-jigar betāb kar detī hai jab

    ThanDī sāñseñ aisī bhartā huuñ ki aa jaatī hai niiñd

    teġh phal khāyā āb-e-teġh kar so rahe

    kasrat-e-āb-o-ġhizā se vāqa.ī aatī hai niiñd

    sūrat-e-zāhid na jaago hazrat-e-dil so raho

    qibla-e-man kāba-e-maqsūd dikhlātī hai niiñd

    is mirī dīvāngī par ai junūñ patthar paḌeñ

    aañkh ke Dhele lagātā huuñ agar aatī hai niiñd

    vaah re tāsīr-e-ulfat bal be-fart-e-ittihād

    ġhash pe ġhash aate haiñ mujh ko jab unheñ aatī hai niiñd

    sote ho to chashm-e-baddūr āñkheñ rahtī haiñ khulī

    fitna-e-bedār kyā aise kahlātī hai niiñd

    hijr meñ sone aisī tamannā ai 'vazīr'

    dekhtā huuñ us ko hasrat se jise aatī niiñd

    wasl mein raftar-e-mashuqana dikhlati hai nind

    aaj kin aTkheliyon se aankhon mein aati hai nind

    yaad-e-chashm-e-surmagin mein shab ko gar aati hai nind

    surat-e-murgh-e-nigah aankhon se uD jati hai nind

    furqat-e-dildar mein sahwan agar aati hai nind

    aankh se bahar hi bahar aa ke phir jati hai nind

    ain be-hoshi hai hushyari na samjha chahiye

    ahl-e-ghaflat ki to bedari bhi kahlati hai nind

    karwaTen le le ke kahte hain shab-e-furqat mein hum

    kis tarah ai KHuftagan-e-KHak aa jati hai nind

    in ki furqat mein na puchho sarguzisht-e-KHwab-e-chashm

    aaj-kal pa-e-nigah ki Thokaren khati hai nind

    sabza-e-KHwabida-e-gulshan ka jab aata hai zikr

    tab qafas mein koi dam bulbul ko aa jati hai nind

    furqat-e-dildar mein sone ko marna kahte hain

    aashiqon mein KHwab-e-marg aise hi kahlati hai nind

    nind ko bhi nind aa jati hai hijr-e-yar mein

    chhoD kar be-KHwab mujh ko aap so jati hai nind

    kahte hain sona use chaunka na roz-e-hashr tak

    is hamari baKHt-e-KHufta ki qasam khati hai nind

    kya ghalat samjhe wo aaega phaDakti hai jo aankh

    aankh mein KHauf-e-shab-e-furqat se tharraati hai nind

    furqat-e-dildar mein jo raat bhar aai na thi

    wasl mein aati hui aankhon sharmati hai nind

    muntazir rakhti hai ghamze karti hai aati nahin

    o but-e-tarsa teri furqat mein tarsati hai nind

    ku-e-jaanan se jo uThta hun to so jate hain panw

    dafatan aankhon se panw mein utar aati hai nind

    garmi-e-soz-e-jigar betab kar deti hai jab

    ThanDi sansen aisi bharta hun ki aa jati hai nind

    tegh ka phal khaya aab-e-tegh pi kar so rahe

    kasrat-e-ab-o-ghiza se waqai aati hai nind

    surat-e-zahid na jago hazrat-e-dil so raho

    qibla-e-man kaba-e-maqsud dikhlati hai nind

    is meri diwangi par ai junun patthar paDen

    aankh ke Dhele lagata hun agar aati hai nind

    wah re tasir-e-ulfat bal be-fart-e-ittihad

    ghash pe ghash aate hain mujh ko jab unhen aati hai nind

    sote ho to chashm-e-baddur aankhen rahti hain khuli

    fitna-e-bedar kya aise hi kahlati hai nind

    hijr mein sone ki aisi hi tamanna ai 'wazir'

    dekhta hun us ko hasrat se jise aati hi nind

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY