wasl-o-furqat azab hain donon

vasl-o-furqat azaab haiñ donoñ

bā.is-e-iztirāb haiñ donoñ

kufr-o-īmāñ savāb haiñ donoñ

tujh se hī faizyāb haiñ donoñ

husn meñ aap ishq meñ ahqar

aap apnā javāb haiñ donoñ

maiñ sar-e-dār vo pas-e-chilman

kis qadar be-hijāb haiñ donoñ

hasrat-e-dīd-o-nā-murādī-e-shaq

ik mukammal azaab haiñ donoñ

aap kā zulm merā sabr-o-shakeb

vāqa.ī be-hisāb haiñ donoñ

maiñ tah-e-teġh vo sar-e-maqtal

aaj to kāmyāb haiñ donoñ

uf vo tābānī-e-lab-o-ruḳhsār

rashk-e-sad-māhtāb haiñ donoñ

wasl-o-furqat azab hain donon

bais-e-iztirab hain donon

kufr-o-iman sawab hain donon

tujh se hi faizyab hain donon

husn mein aap ishq mein ahqar

aap apna jawab hain donon

main sar-e-dar wo pas-e-chilman

kis qadar be-hijab hain donon

hasrat-e-did-o-na-muradi-e-shaq

ek mukammal azab hain donon

aap ka zulm mera sabr-o-shakeb

waqai be-hisab hain donon

main tah-e-tegh wo sar-e-maqtal

aaj to kaamyab hain donon

uf wo tabani-e-lab-o-ruKHsar

rashk-e-sad-mahtab hain donon