waslat ki shab mein bhi wahi baqi raha lihaz

vaslat kī shab meñ bhī vahī baaqī rahā lihāz

ghūñgaT uThā na ruḳh se na un kā gayā lihāz

pilvā.egā tū bāda-e-be-kaif ḳhuld meñ

saaqī hai bāda-noshoñ ko terā baḌā lihāz

lo laal Dore paḌne lage chashm-e-yār meñ

ab lutf-e-mai-kashī hai ki uThne lagā lihāz

shab vasl kī tamām huī baat bhī na kī

aisā bhī kyā hijāb hai aisā bhī kyā lihāz

zāhid jamā ye bazm meñ uThtā hī ab nahīñ

saaqī pilā sharāb ki ab ho chukā lihāz

vo kar chuke ulush to chalā daur-e-jām-e-mai

rindoñ ne shaiḳh jī kā kiyā to baḌā lihāz

'akbar' jo mohtasib nahīñ uThtā piyo sharāb

us ko nahīñ ḳhayāl to rindoñ ko kyā lihāz

waslat ki shab mein bhi wahi baqi raha lihaz

ghungaT uTha na ruKH se na un ka gaya lihaz

pilwaega tu baada-e-be-kaif KHuld mein

saqi hai baada-noshon ko tera baDa lihaz

lo lal Dore paDne lage chashm-e-yar mein

ab lutf-e-mai-kashi hai ki uThne laga lihaz

shab wasl ki tamam hui baat bhi na ki

aisa bhi kya hijab hai aisa bhi kya lihaz

zahid jama ye bazm mein uThta hi ab nahin

saqi pila sharab ki ab ho chuka lihaz

wo kar chuke ulush to chala daur-e-jam-e-mai

rindon ne shaiKH ji ka kiya to baDa lihaz

'akbar' jo mohtasib nahin uThta piyo sharab

us ko nahin KHayal to rindon ko kya lihaz