wida karta hai dil satwat-e-rag-e-jaan ko

vidā.a kartā hai dil satvat-e-rag-e-jāñ ko

ḳhabar karo mire ḳhvāboñ ke shab-sulaimāñ ko

muhīt-e-jāñ na koī zā.iqa na sabza-e-shab

talāsh kartī hai ḳhushbū kisī garebāñ ko

mujhe ye fasl-e-ḳhizāñ-ḳhvāb kaaT lene do

ki phir na nikle koī dūsrā bayābāñ ko

lahū ko aañkh meñ rahne kā zom thā varna

Tapak bhī saktā thā bahlā ke dil ke tūfāñ ko

mujhe to ġham bhī panah zaad hī lage ab to

ki aa nikaltī hai hasrat bhī sair-e-mizhgāñ ko

kisī udū kī muravvat se ab bhī taaza haiñ

vo zaḳhm-e-ḳhvāb ki jo DhūñDte haiñ paikāñ ko

hisāb us kī mohabbat kā harf harf karūñ

jo aa gayā thā mirī tishnagī ke sāmāñ ko

widaa karta hai dil satwat-e-rag-e-jaan ko

KHabar karo mere KHwabon ke shab-sulaiman ko

muhit-e-jaan na koi zaiqa na sabza-e-shab

talash karti hai KHushbu kisi gareban ko

mujhe ye fasl-e-KHizan-KHwab kaT lene do

ki phir na nikle koi dusra bayaban ko

lahu ko aankh mein rahne ka zom tha warna

Tapak bhi sakta tha bahla ke dil ke tufan ko

mujhe to gham bhi panah zad hi lage ab to

ki aa nikalti hai hasrat bhi sair-e-mizhgan ko

kisi udu ki murawwat se ab bhi taza hain

wo zaKHm-e-KHwab ki jo DhunDte hain paikan ko

hisab us ki mohabbat ka harf harf karun

jo aa gaya tha meri tishnagi ke saman ko