rut ke labon par koi dua bhi nahin hai
rut ke laboñ par koī du'ā bhī nahīñ hai
aur daraḳhtoñ ko kuchh gila bhī nahīñ hai
zikr kareñ aur bār-bār kareñ ham
hijr koī aisā vāqi'a bhī nahīñ hai
ḳhair-ḳhabar kyā ho mujh ko shām-e-tarab kī
merā to us se mukālima bhī nahīñ hai
lauT rahā huuñ usī kī samt bahar-hāl
shahr jo mujh ko pukārtā bhī nahīñ hai
merī tarah kaun be-suḳhan hai yahāñ 'rāz'
merī tarah koī lab-kushā bhī nahīñ hai
rut ke labon par koi du'a bhi nahin hai
aur daraKHton ko kuchh gila bhi nahin hai
zikr karen aur bar-bar karen hum
hijr koi aisa waqi'a bhi nahin hai
KHair-KHabar kya ho mujh ko sham-e-tarab ki
mera to us se mukalima bhi nahin hai
lauT raha hun usi ki samt bahar-haal
shahr jo mujh ko pukarta bhi nahin hai
meri tarah kaun be-suKHan hai yahan 'raaz'
meri tarah koi lab-kusha bhi nahin hai
Ham Zameen Par Aasmaan Ke Phool Hain
Buy This BookAdditional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
