tassur dhup ka baDhte hue dekh

ta.assur dhuup kā baḌhte hue dekh

dhanak ke rang sab phīke hue dekh

sabhī samtoñ se aate shor ko sun

zamīñ par āsmāñ girte hue dekh

kabhī sun chaak se uThtī huī dhun

kabhī paikar koī bante hue dekh

kabhī markūz bhī kar dhyān apnā

kabhī ḳhud meñ mujhe aate hue dekh

pavan-pāzeb kī jhankār ko sun

shajar ko vajd meñ aate hue dekh

farāġhat se kisī din ghaaT par aa

nadī meñ raushnī ghulte hue dekh

kabhī sun tīrgī ke qahqahoñ ko

charāġh-e-shab kabhī bujhte hue dekh

tassur dhup ka baDhte hue dekh

dhanak ke rang sab phike hue dekh

sabhi samton se aate shor ko sun

zamin par aasman girte hue dekh

kabhi sun chaak se uThti hui dhun

kabhi paikar koi bante hue dekh

kabhi markuz bhi kar dhyan apna

kabhi KHud mein mujhe aate hue dekh

pawan-pazeb ki jhankar ko sun

shajar ko wajd mein aate hue dekh

faraghat se kisi din ghaT par aa

nadi mein raushni ghulte hue dekh

kabhi sun tirgi ke qahqahon ko

charagh-e-shab kabhi bujhte hue dekh