visal-o-hijr ki hamein latafaten kahan milin

visāl-o-hijr kī hameñ latāfateñ kahāñ milīñ

sukūn-e-qalb de sakeñ vo rāhateñ kahāñ milīñ

kahāñ ke māh-o-najm ab ye dahshatoñ kā daur hai

ḳhayāl-e-husn yaad kī nazākateñ kahāñ milīñ

ye un kā shahr-e-ārzū bhī kitnā zar-nigāh hai

maiñ DhūñDhtī hī rah ga.ī sadāqateñ kahāñ milīñ

tabīb bhī habīb bhī shafīq bhī bahut mile

mile to dost har jagah rifāqateñ kahāñ milīñ

vo siitā hoñ ki daraupadī vo lailā hoñ ki hiir hoñ

vafā ke naam par unheñ zamānateñ kahāñ milīñ

hazār dāstāñ likheñ suḳhan-tarāz laakh hoñ

raqam hoñ lauh-e-dil pe jo ibārateñ kahāñ milīñ

sitam bhī hañs ke sah liye qubūl jurm kar liye

maiñ be-qusūr thī magar shahādateñ kahāñ milīñ

visal-o-hijr ki hamein latafaten kahan milin

sukun-e-qalb de saken wo rahaten kahan milin

kahan ke mah-o-najm ab ye dahshaton ka daur hai

KHayal-e-husn yaad ki nazakaten kahan milin

ye un ka shahr-e-arzu bhi kitna zar-nigah hai

main DhunDhti hi rah gai sadaqaten kahan milin

tabib bhi habib bhi shafiq bhi bahut mile

mile to dost har jagah rifaqaten kahan milin

wo sita hon ki daraupadi wo laila hon ki hir hon

wafa ke nam par unhen zamanaten kahan milin

hazar dastan likhen suKHan-taraaz lakh hon

raqam hon lauh-e-dil pe jo ibaraten kahan milin

sitam bhi hans ke sah liye qubul jurm kar liye

main be-qusur thi magar shahadaten kahan milin