visal-o-hijr se wabasta tohmaten bhi gain

Sahar Ansari

visal-o-hijr se wabasta tohmaten bhi gain

Sahar Ansari

MORE BYSahar Ansari

    visāl-o-hijr se vābasta tohmateñ bhī ga.iiñ

    vo fāsle bhī ga.e ab vo qurbateñ bhī ga.iiñ

    diloñ haal to ye hai ki rabt hai na gurez

    mohabbateñ to ga.iiñ thī adāvateñ bhī ga.iiñ

    lubhā liyā hai bahut dil ko rasm-e-duniyā ne

    sitamgaroñ se sitam shikāyateñ bhī ga.iiñ

    ġhurūr-e-kaj-kulahī jin ke dam se qaa.em thā

    vo jur.ateñ bhī ga.iiñ vo jasārateñ bhī ga.iiñ

    na ab vo shiddat-e-āvārgī na vahshat-e-dil

    hamāre naam kuchh aur shohrateñ bhī ga.iiñ

    dil-e-tabāh thā be-nām hasratoñ dayār

    so ab to dil se vo be-nām hasrateñ bhī ga.iiñ

    hue haiñ jab se barahna zarūratoñ ke badan

    ḳhayāl-o-ḳhvāb pinhāñ nazākateñ bhī ga.iiñ

    hujūm-e-sarv-o-saman hai na sail-e-nik.hat-o-rañg

    vo qāmateñ bhī ga.iiñ vo qayāmateñ bhī ga.iiñ

    bhulā diye ġham-e-duniyā ne ishq ke ādāb

    kisī ke naaz uThāne fursateñ bhī ga.iiñ

    karegā kaun matā-e-ḳhulūs yuuñ arzāñ

    hamāre saath hamārī saḳhvāteñ bhī ga.iiñ

    na chāñd meñ hai vo chehra na sarv meñ hai vo jism

    gayā vo shaḳhs to us shabāhateñ bhī ga.iiñ

    gayā vo daur-e-ġham-e-intizār-e-yār 'sahar'

    aur apnī zaat pe dānista zahmateñ bhī ga.iiñ

    visal-o-hijr se wabasta tohmaten bhi gain

    wo fasle bhi gae ab wo qurbaten bhi gain

    dilon ka haal to ye hai ki rabt hai na gurez

    mohabbaten to gain thi adawaten bhi gain

    lubha liya hai bahut dil ko rasm-e-duniya ne

    sitamgaron se sitam ki shikayaten bhi gain

    ghurur-e-kaj-kulahi jin ke dam se qaem tha

    wo juraten bhi gain wo jasaraten bhi gain

    na ab wo shiddat-e-awargi na wahshat-e-dil

    hamare nam ki kuchh aur shohraten bhi gain

    dil-e-tabah tha be-nam hasraton ka dayar

    so ab to dil se wo be-nam hasraten bhi gain

    hue hain jab se barahna zaruraton ke badan

    KHayal-o-KHwab ki pinhan nazakaten bhi gain

    hujum-e-sarw-o-saman hai na sail-e-nikhat-o-rang

    wo qamaten bhi gain wo qayamaten bhi gain

    bhula diye gham-e-duniya ne ishq ke aadab

    kisi ke naz uThane ki fursaten bhi gain

    karega kaun mata-e-KHulus yun arzan

    hamare sath hamari saKHwaten bhi gain

    na chand mein hai wo chehra na sarw mein hai wo jism

    gaya wo shaKHs to us ki shabahaten bhi gain

    gaya wo daur-e-gham-e-intizar-e-yar 'sahar'

    aur apni zat pe danista zahmaten bhi gain

    Videos
    This video is playing from YouTube

    Videos
    This video is playing from YouTube

    Sahar Ansari

    Sahar Ansari

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY