wo aadmi nahin hai mukammal bayan hai

Dushyant Kumar

wo aadmi nahin hai mukammal bayan hai

Dushyant Kumar

MORE BYDushyant Kumar

    vo aadmī nahīñ hai mukammal bayān hai

    māthe pe us ke choT gahrā nishān hai

    vo kar rahe haiñ ishq pe sanjīda guftugū

    maiñ kyā batā.ūñ merā kahīñ aur dhyān hai

    sāmān kuchh nahīñ hai phaTe-hāl hai magar

    jhole meñ us ke paas koī sañvīdhān hai

    us sar-phire ko yuuñ nahīñ bahlā sakeñge aap

    vo aadmī nayā hai magar sāvdhān hai

    phisle jo us jagah to luḌhakte chale ga.e

    ham ko pata nahīñ thā ki itnī Dhalān hai

    dekhe haiñ ham ne daur ka.ī ab ḳhabar nahīñ

    paaoñ tale zamīn hai āsmān hai

    vo aadmī milā thā mujhe us baat se

    aisā lagā ki vo bhī bahut be-zabān hai

    wo aadmi nahin hai mukammal bayan hai

    mathe pe us ke choT ka gahra nishan hai

    wo kar rahe hain ishq pe sanjida guftugu

    main kya bataun mera kahin aur dhyan hai

    saman kuchh nahin hai phaTe-haal hai magar

    jhole mein us ke pas koi sanwidhan hai

    us sar-phire ko yun nahin bahla sakenge aap

    wo aadmi naya hai magar sawdhan hai

    phisle jo us jagah to luDhakte chale gae

    hum ko pata nahin tha ki itni Dhalan hai

    dekhe hain hum ne daur kai ab KHabar nahin

    paon tale zamin hai ya aasman hai

    wo aadmi mila tha mujhe us ki baat se

    aisa laga ki wo bhi bahut be-zaban hai

    Source
    • Book : Saye mein dhoop (Pg. 59)
    • Author : Dushyant Kumar
    • Publication : Radha krishna Prakashan.Pvt.Ltd (2011)
    • Edition : 2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY