wo aainon mein chehra DhunDhta hai

vo ā.īnoñ meñ chehra DhūñDhtā hai

ḳhudā jaane use kyā ho gayā hai

ik ik chappe pe sau pahre lage haiñ

parinda bhī kahāñ par mārtā hai

nikal ā.eñge kab ishrat-kadoñ se

november patta patta gir rahā hai

vo pal aa hī gayā ḳhanjar nikālo

kahīñ pītal kā būḌhā khāñstā hai

jabīñ se phūTte haiñ ḳhuuñ ke qatre

kahā kis ne vo patthar kā banā hai

use apnā nahīñ bastī kā ġham hai

kināroñ par akelā jāgtā hai

nikal ā.eñge barg-o-shāḳh tan par

koī saaya ragoñ meñ hāñptā hai

jise tai karne meñ ik umr guzrī

usī koh-e-girāñ kā sāmnā hai

wo aainon mein chehra DhunDhta hai

KHuda jaane use kya ho gaya hai

ek ek chappe pe sau pahre lage hain

parinda bhi kahan par marta hai

nikal aaenge kab ishrat-kadon se

nowember patta patta gir raha hai

wo pal aa hi gaya KHanjar nikalo

kahin pital ka buDha khansta hai

jabin se phuTte hain KHun ke qatre

kaha kis ne wo patthar ka bana hai

use apna nahin basti ka gham hai

kinaron par akela jagta hai

nikal aaenge barg-o-shaKH tan par

koi saya ragon mein hanpta hai

jise tai karne mein ek umr guzri

usi koh-e-giran ka samna hai