wo aaj raat bhi KHalwat-sara mein aaya nahin

vo aaj raat bhī ḳhalvat-sarā meñ aaya nahīñ

mujhe bhī zid thī so maiñ ne diyā bujhāyā nahīñ

vo dard thā ki rag-o-pai kī jaan khiñchtī thī

pa jaañ se jaane kā mausam to phir bhī aaya nahīñ

tamām raat maiñ apnī hī raushnī meñ jalī

tamām raat kisī ne mujhe bujhāyā nahīñ

bas ek baar un āñkhoñ meñ dekh paa.ī thī

phir us ke baa'd kabhī aa.ina uThāyā nahīñ

mohabbatoñ meñ mashaqqat bahut thī so tum ne

mire ḳhayāl se shāyad mujhe thakāyā nahīñ

havā ne raat jo zanjīr-e-dar hilā.ī thī

phir us ke baa'd kisī ne mujhe satāyā nahīñ

wo aaj raat bhi KHalwat-sara mein aaya nahin

mujhe bhi zid thi so main ne diya bujhaya nahin

wo dard tha ki rag-o-pai ki jaan khinchti thi

pa jaan se jaane ka mausam to phir bhi aaya nahin

tamam raat main apni hi raushni mein jali

tamam raat kisi ne mujhe bujhaya nahin

bas ek bar un aankhon mein dekh pai thi

phir us ke ba'd kabhi aaina uThaya nahin

mohabbaton mein mashaqqat bahut thi so tum ne

mere KHayal se shayad mujhe thakaya nahin

hawa ne raat jo zanjir-e-dar hilai thi

phir us ke ba'd kisi ne mujhe sataya nahin