vo aañsū jo hañs hañs ke ham ne piye haiñ
tumhāre diye the tumhāre liye haiñ
kareñ vo jo chāheñ kaheñ vo jo chāheñ
maiñ pāband-e-ulfat mire lab siye haiñ
tumhāre hī rahm o karam ke sahāre
na mālūm mar mar ke kyūñkar jiye haiñ
baḌī der tak jis se poñchhe the aañsū
vo dāman abhī haath hī meñ liye haiñ
use maiñ hī samjhūñ use maiñ hī jānūñ
sitam kar rahe haiñ karam bhī kiye haiñ
kahāñ pā-e-nāzuk kahāñ rāh-e-ulfat
mire saath do ik qadam ho liye haiñ
hañsātā hai sab ko hamārā fasāna
hamīñ kahte kahte kabhī ro liye haiñ
gul o baaġh o naġhma mah o mehr o anjum
jo tum ho mire sab ye mere liye haiñ
uThāte vo kyuuñ mil ke bār-e-mohabbat
ye kyā kam hai thoḌā sahārā diye haiñ
bhale haiñ bure haiñ kisī se ġharaz kyā
'razā' vo bahar-hāl mere liye haiñ
wo aansu jo hans hans ke hum ne piye hain
tumhaare diye the tumhaare liye hain
karen wo jo chahen kahen wo jo chahen
main paband-e-ulfat mere lab siye hain
tumhaare hi rahm o karam ke sahaare
na malum mar mar ke kyunkar jiye hain
baDi der tak jis se ponchhe the aansu
wo daman abhi hath hi mein liye hain
use main hi samjhun use main hi jaanun
sitam kar rahe hain karam bhi kiye hain
kahan pa-e-nazuk kahan rah-e-ulfat
mere sath do ek qadam ho liye hain
hansata hai sab ko hamara fasana
hamin kahte kahte kabhi ro liye hain
gul o bagh o naghma mah o mehr o anjum
jo tum ho mere sab ye mere liye hain
uThate wo kyun mil ke bar-e-mohabbat
ye kya kam hai thoDa sahaara diye hain
bhale hain bure hain kisi se gharaz kya
'raza' wo bahar-haal mere liye hain
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
