wo bar-e-farz-e-takalluf mujhi ko Dhona paDa

vo bār-e-farz-e-takalluf mujhī ko Dhonā paḌā

use rulāne kī ḳhātir mujhe bhī ronā paḌā

vo ek husn thā jis kī thī sirf ḳhvāb meñ buud

use jagāne kī chāhat meñ mujh ko sonā paḌā

maiñ dekhtā huuñ ye chhīñTe lageñge kis ke haath

mujhe jo aaj udāsī se haath dhonā paḌā

ye kyā huā ki tirī dhun meñ jin se bichhḌe the

unhīñ ke sāmne tujh se bichhaḌ ke ronā paḌā

maiñ apnī marzī se is duniyā meñ huā kab thā

ma.ānī ye haiñ ki mujh ko jahāñ meñ honā paḌā

wo bar-e-farz-e-takalluf mujhi ko Dhona paDa

use rulane ki KHatir mujhe bhi rona paDa

wo ek husn tha jis ki thi sirf KHwab mein bud

use jagane ki chahat mein mujh ko sona paDa

main dekhta hun ye chhinTe lagenge kis ke hath

mujhe jo aaj udasi se hath dhona paDa

ye kya hua ki teri dhun mein jin se bichhDe the

unhin ke samne tujh se bichhaD ke rona paDa

main apni marzi se is duniya mein hua kab tha

maani ye hain ki mujh ko jahan mein hona paDa