wo barha hi unhin raston pe chalte hain

vo bārhā hī unhīñ rāstoñ pe chalte haiñ

'ajīb log haiñ gir kar nahīñ sañbhalte haiñ

maqām apnā badaltī nahīñ koī manzil

safar meñ log ka.ī rāste badalte haiñ

lagāte ham pe haiñ ilzām bevafā.ī jo

vo qatl kar ke bhī be-dāġh bach nikalte haiñ

chale haiñ jo bhī yahāñ 'azm-e-raushnī le kar

charāġh un kī umīdoñ ke roz jalte haiñ

vahī hai dil vahī duniyā vahī masā.il haiñ

so ham unhīñ se bichhaḌ kar unhīñ se milte haiñ

qadam uThe to usī samt ruḳh rahā un kā

mohabbatoñ ke jahāñ rāste nikalte haiñ

wo barha hi unhin raston pe chalte hain

'ajib log hain gir kar nahin sanbhalte hain

maqam apna badalti nahin koi manzil

safar mein log kai raste badalte hain

lagate hum pe hain ilzam bewafai jo

wo qatl kar ke bhi be-dagh bach nikalte hain

chale hain jo bhi yahan 'azm-e-raushni le kar

charagh un ki umidon ke roz jalte hain

wahi hai dil wahi duniya wahi masail hain

so hum unhin se bichhaD kar unhin se milte hain

qadam uThe to usi samt ruKH raha un ka

mohabbaton ke jahan raste nikalte hain