wo baat jo huzur ko mujhse KHafa kare

vo baat jo huzūr ko mujh se ḳhafā kare

dil meñ tamām umr na aa.e ḳhudā kare

itnā to hai ki thaam liyā aap ne hī dil

allāh mere dard-e-jigar ko sivā kare

aa jaa.eñ kal vo ḳhud mire ḳhat ke javāb meñ

qāsid jo kah rahā hai yahī ho ḳhudā kare

ho jis ko bosa us lab-e-jāñ-baḳhsh kā nasīb

kyoñ vo talāsh-e-chashma-e-āb-e-baqā kare

kis kaam kī bhalā shab-e-furqat meñ chāñdnī

oḌhe bichhā.e koī ise kahiye kyā kare

wo baat jo huzur ko mujh se KHafa kare

dil mein tamam umr na aae KHuda kare

itna to hai ki tham liya aap ne hi dil

allah mere dard-e-jigar ko siwa kare

aa jaen kal wo KHud mere KHat ke jawab mein

qasid jo kah raha hai yahi ho KHuda kare

ho jis ko bosa us lab-e-jaan-baKHsh ka nasib

kyon wo talash-e-chashma-e-ab-e-baqa kare

kis kaam ki bhala shab-e-furqat mein chandni

oDhe bichhae koi ise kahiye kya kare