wo bahr-o-bar mein nahin aur na aasman mein hai

Zahid Chaudhry

wo bahr-o-bar mein nahin aur na aasman mein hai

Zahid Chaudhry

MORE BY Zahid Chaudhry

    vo bahr-o-bar meñ nahīñ aur na āsmāñ meñ hai

    jo rāz-e-zīst mire shauq-e-be-karāñ meñ hai

    mujhe qarār ba-juz shauq-e-be-qarār nahīñ

    sukūn-e-zīst mujhe shoḳhī-e-butāñ meñ hai

    mujhe qubūl nahīñ aisā rāz-e-sar-basta

    jo chashm-e-aql se poshīda lā-makāñ meñ hai

    mirī hayāt faqat justujū-e-paiham hai

    mirā maqām sitāroñ ke kārvāñ meñ hai

    maiñ āsmāñ meñ sitāroñ sair kartā huuñ

    ye kyā surūr tire sañg-e-āstāñ meñ hai

    mire vajūd meñ pinhāñ hai gauhar-e-yaktā

    mirā vajūd nihāñ bahr-e-be-karāñ meñ hai

    chaman meñ jabki nasheman banā chukā huuñ maiñ

    ajab tarah chamak chashm-e-āsmāñ meñ hai

    mire kalām se aayā hai barg-e-gul pe nikhār

    mire nafas mahak saare gulistāñ meñ hai

    vo lutf-e-zīst jo hai tund-o-tez tūfāñ meñ

    vo shāḳh-e-gul pe nahīñ aur na āshiyāñ meñ hai

    vo soz-o-sāz-e-haqīqat se āshnā hogī

    vo zindagī jo hama-vaqt imtihāñ meñ hai

    har ek lahza hai ik taaza valvala darkār

    ajab tarah maza bahr-e-be-karāñ meñ hai

    vo merī quvvat-e-īmāñ ik alāmat hai

    jo shor-e-hashr bapā bazm-e-dushmanāñ meñ hai

    wo bahr-o-bar mein nahin aur na aasman mein hai

    jo raaz-e-zist mere shauq-e-be-karan mein hai

    mujhe qarar ba-juz shauq-e-be-qarar nahin

    sukun-e-zist mujhe shoKHi-e-butan mein hai

    mujhe qubul nahin aisa raaz-e-sar-basta

    jo chashm-e-aql se poshida la-makan mein hai

    meri hayat faqat justuju-e-paiham hai

    mera maqam sitaron ke karwan mein hai

    main aasman mein sitaron ki sair karta hun

    ye kya surur tere sang-e-astan mein hai

    mere wajud mein pinhan hai gauhar-e-yakta

    mera wajud nihan bahr-e-be-karan mein hai

    chaman mein jabki nasheman bana chuka hun main

    ajab tarah ki chamak chashm-e-asman mein hai

    mere kalam se aaya hai barg-e-gul pe nikhaar

    mere nafas ki mahak sare gulistan mein hai

    wo lutf-e-zist jo hai tund-o-tez tufan mein

    wo shaKH-e-gul pe nahin aur na aashiyan mein hai

    wo soz-o-saz-e-haqiqat se aashna hogi

    wo zindagi jo hama-waqt imtihan mein hai

    har ek lahza hai ek taza walwala darkar

    ajab tarah ka maza bahr-e-be-karan mein hai

    wo meri quwwat-e-iman ki ek alamat hai

    jo shor-e-hashr bapa bazm-e-dushmanan mein hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY