aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

wo be-parda warid hua chahta hai

Ziya Allahabadi

wo be-parda warid hua chahta hai

Ziya Allahabadi

MORE BYZiya Allahabadi

    vo be-parda vārid huā chāhtā hai

    sar-e-anjuman hashr uThā chāhtā hai

    na mahrūm saaqī rahe sāġhar-e-dil

    sharāb-e-haqīqat-numā chāhtā hai

    nahīñ uzr-e-taqsīr is dil ko koī

    magar haq-ba-jānib sazā chāhtā hai

    girī barq sehn-e-gulistāñ meñ lekin

    mirā āshiyāñ bhī jalā chāhtā hai

    talāsh-o-talab meñ jo sargarm dil thā

    vo apnā ḳhud ab patā chāhtā hai

    ye ham ne zamāne meñ dekhā hai aksar

    burā hai vahī jo bhalā chāhtā hai

    kamī hai taḌapne lazzat meñ ab tak

    dil-e-dard is se sivā chāhtā hai

    marīz-e-tamanna mohabbat rogī

    koī dam meñ ruḳhsat huā chāhtā hai

    garebāñ tasadduq hai josh-e-junūñ par

    koī ab tamāshā banā chāhtā hai

    gunahgār-e-ulfat sazā kamī par

    kisī se hisāb-e-ḳhafā chāhtā hai

    mohabbat meñ sab kuchh kisī ne luTāyā

    na ma.alūm ab koī kyā chāhtā hai

    'ziyā' ishq meñ ab ḳhudā us se samjhe

    jo mujh ko phañsā kar bachā chāhtā hai

    wo be-parda warid hua chahta hai

    sar-e-anjuman hashr uTha chahta hai

    na mahrum saqi rahe saghar-e-dil

    sharab-e-haqiqat-numa chahta hai

    nahin uzr-e-taqsir is dil ko koi

    magar haq-ba-jaanib saza chahta hai

    giri barq sehn-e-gulistan mein lekin

    mera aashiyan bhi jala chahta hai

    talash-o-talab mein jo sargarm dil tha

    wo apna hi KHud ab pata chahta hai

    ye hum ne zamane mein dekha hai aksar

    bura hai wahi jo bhala chahta hai

    kami hai taDapne ki lazzat mein ab tak

    dil-e-dard is se siwa chahta hai

    mariz-e-tamanna mohabbat ki rogi

    koi dam mein ruKHsat hua chahta hai

    gareban tasadduq hai josh-e-junun par

    koi ab tamasha bana chahta hai

    gunahgar-e-ulfat saza ki kami par

    kisi se hisab-e-KHafa chahta hai

    mohabbat mein sab kuchh kisi ne luTaya

    na malum ab koi kya chahta hai

    'ziya' ishq mein ab KHuda us se samjhe

    jo mujh ko phansa kar bacha chahta hai

    Source:

    (Pg. 54)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now