wo bekali nahin dil ko wo iztirab nahin

vo bekalī nahīñ dil ko vo iztirāb nahīñ

tumhāre hijr kā ab kuchh mujhe itaab nahīñ

jalā-bhunā huuñ mujhe ḳhvāhish-e-kabāb nahīñ

pilā de dho ke subū hī agar sharāb nahīñ

sunā hai ham ne ki aariz pe hai ġhubār sā kuchh

balā se ḳhat kā hamāre agar javāb nahīñ

tirī ḳhabar ke liye dekhte haiñ sab aḳhbār

mutāle.a meñ kisī ke koī kitāb nahīñ

rasīda buud bulā.e vale ba-ḳhair guzasht

tumhārī zulf se ḳhātir ko pech-o-tāb nahīñ

pilānā taul ke bāda-e-muġhāñ ḳhudā ke liye

ye din sharaf ke haiñ mīzāñ meñ āftāb nahīñ

farār kyuuñ na ho har roz jāñ-nisār ik ek

huzūr aap kī vo daulat-e-shabāb nahīñ

tumhāre zulf kī tasvīr kyā kare sairāb

ḳhatā muaaf ho ham tishna-e-sarāb nahīñ

'nasīm' pī ga.e ab mai-kadoñ meñ hai kyā ḳhaak

davā ke vāste london meñ bhī sharāb nahīñ

wo bekali nahin dil ko wo iztirab nahin

tumhaare hijr ka ab kuchh mujhe itab nahin

jala-bhuna hun mujhe KHwahish-e-kabab nahin

pila de dho ke subu hi agar sharab nahin

suna hai hum ne ki aariz pe hai ghubar sa kuchh

bala se KHat ka hamare agar jawab nahin

teri KHabar ke liye dekhte hain sab aKHbar

mutalea mein kisi ke koi kitab nahin

rasida bud bulae wale ba-KHair guzasht

tumhaari zulf se KHatir ko pech-o-tab nahin

pilana taul ke baada-e-mughan KHuda ke liye

ye din sharaf ke hain mizan mein aaftab nahin

farar kyun na ho har roz jaan-nisar ek ek

huzur aap ki wo daulat-e-shabab nahin

tumhaare zulf ki taswir kya kare sairab

KHata muaf ho hum tishna-e-sarab nahin

'nasim' pi gae ab mai-kadon mein hai kya KHak

dawa ke waste london mein bhi sharab nahin