wo bhala hai to wo bhala hi sahi

vo bhalā hai to vo bhalā hī sahī

maiñ burā huuñ to maiñ burā hī sahī

sājid-e-sāhab-e-baqā huuñ maiñ

ḳhāk-e-pā huuñ to ḳhāk-e-pā hī sahī

vālihāna hai un se pyaar mujhe

bāvlā huuñ to bāvlā hī sahī

nā-ummīdī meñ hai ummīd hameñ

un kā har va.ada khokhlā hī sahī

dilkashī kā javāb koī nahīñ

zindagī chāhe bulbula hī sahī

apnī sohbat pe koī farq nahīñ

vo baḌā hai to vo baḌā hī sahī

pārsā.ī ham us kī maan ga.e

koī ab duudh kā dhulā hī sahī

vo bhī auroñ se māñgtā hai vafā

chāhe 'nāmī' vo bevafā hī sahī

wo bhala hai to wo bhala hi sahi

main bura hun to main bura hi sahi

sajid-e-sahab-e-baqa hun main

KHak-e-pa hun to KHak-e-pa hi sahi

walihana hai un se pyar mujhe

bawla hun to bawla hi sahi

na-ummidi mein hai ummid hamein

un ka har wada khokhla hi sahi

dilkashi ka jawab koi nahin

zindagi chahe bulbula hi sahi

apni sohbat pe koi farq nahin

wo baDa hai to wo baDa hi sahi

parsai hum us ki man gae

koi ab dudh ka dhula hi sahi

wo bhi auron se mangta hai wafa

chahe 'nami' wo bewafa hi sahi