wo din bhi kaisa sitam mujh pe Dha ke jaega
vo din bhī kaisā sitam mujh pe Dhā ke jā.egā
jab us kī shakl nahīñ naam dhyān aa.egā
udaas shaam kī tanhā.iyoñ meñ merā ḳhayāl
shafaq kā laal dupaTTa tujhe uḌhā.egā
abhī to ḳhair ḳhayāloñ meñ aanā jaanā hai
kuchh ek din meñ ye rishta bhī TuuT jā.egā
bichhaḌte vaqt namī bhī na aa.ī āñkhoñ meñ
hameñ gumāñ thā ye manzar bahut rulā.egā
kise ḳhabar thī mirā hī gaḌhā huā kirdār
mire hī haath meñ unglī nahīñ thamā.egā
wo din bhi kaisa sitam mujh pe Dha ke jaega
jab us ki shakl nahin nam dhyan aaega
udas sham ki tanhaiyon mein mera KHayal
shafaq ka lal dupaTTa tujhe uDhaega
abhi to KHair KHayalon mein aana jaana hai
kuchh ek din mein ye rishta bhi TuT jaega
bichhaDte waqt nami bhi na aai aankhon mein
hamein guman tha ye manzar bahut rulaega
kise KHabar thi mera hi gaDha hua kirdar
mere hi hath mein ungli nahin thamaega
- Book : Khidki To Main Ne Khol Hi Li (Pg. 29)
- Author : Shariq Kaifi
- Publication : Rekhta Publications (2022)
- Edition : 3rd
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
