wo dushman ho gaya achchha hua hai

vo dushman ho gayā achchhā huā hai

ye lamha dil pe ab likkhā huā hai

magar sach hai ki vo bahkā huā hai

magar ai dil vo kyuuñ bahkā huā hai

balā.eñ le rahe the log saare

magar bachcha hai phir sahmā huā hai

burā lagtā nahīñ ab koī kuchh bhī

ki ham ne sab hī kuchh dekhā huā hai

khaḌī huuñ dhuup meñ sūraj sambhāle

mirā saaya baḌā phailā huā hai

mirī āñkhoñ pe tum ab haath rakhnā

mire aage koī Thahrā huā hai

vo yaad aayā to dekhā maiñ ne ye bhī

añdherā chār-sū phailā huā hai

mirī āñkhoñ meñ lagtā hai ki ab tak

vahī aañsū vahīñ Thahrā huā hai

muqaddar mere hāthoñ meñ hai 'kausar'

mire hāthoñ pe ye likkhā huā hai

wo dushman ho gaya achchha hua hai

ye lamha dil pe ab likkha hua hai

magar sach hai ki wo bahka hua hai

magar ai dil wo kyun bahka hua hai

balaen le rahe the log sare

magar bachcha hai phir sahma hua hai

bura lagta nahin ab koi kuchh bhi

ki hum ne sab hi kuchh dekha hua hai

khaDi hun dhup mein suraj sambhaale

mera saya baDa phaila hua hai

meri aankhon pe tum ab hath rakhna

mere aage koi Thahra hua hai

wo yaad aaya to dekha main ne ye bhi

andhera chaar-su phaila hua hai

meri aankhon mein lagta hai ki ab tak

wahi aansu wahin Thahra hua hai

muqaddar mere hathon mein hai 'kausar'

mere hathon pe ye likkha hua hai